• Contacts
  • |
  • Liens
  • Deutsch | Français | Italiano | Rumantsch | English
    ->
  • Télécharger
  • ->

    La Charta

    «Perquai che la diversitad da nossas emploiadas e noss emploiads è ina valur.»

    Permetter e promover la diversitad a chaschun da recrutaziuns, planisaziuns da la carriera ed en mintga relaziun da lavur contribuescha al progress d’ina interpresa. In tal proceder promova sia effizienza, sco era la motivaziun ed il bainstar da las emploiadas e dals emploiads. El po avair in effect positiv per la reputaziun da l’interpresa, saja quai visavi sia clientella, ses furniturs externs e sias consumentas e ses consuments – en Svizra ed en l’entir mund.

    La Charta da la diversitad, approvada da noss’interpresa, duai gidar a cumbatter tut las furmas da discriminaziun, surtut areguard la schlattaina, la razza u l’origin etnic, la religiun u la persvasiun, l’impediment, la vegliadetgna, il stadi civil e l’orientaziun sexuala. Ella duai dar perditga da noss engaschament en favur da la diversitad culturala, etnica e sociala en noss’organisaziun e vegn perquai publitgada en in lieu, nua ch’ella è fitg bain vesaivla.

    Sin fundament da questa Charta s’oblighescha nossa interpresa da:

    1. Respectar e promover il princip da la nundiscriminaziun en las relaziuns da lavur, a chaschun da la publicaziun da la plazza, l’engaschament, la carriera e la promoziun professiunala, la terminaziun da la relaziun da lavur u la visada da la plazza.

    2. Prevegnir a tut las expressiuns da discriminaziun en l’interpresa – saja quai a bucca, en scrit, en furma visuala u fisica, transmessas directamain u cun in med da communicaziun – che pudessan offender u mulestar las collavuraturas ed ils collavuraturs u lur parents ed enconuschents, en il rom da la relaziun da lavur ed en il contact cun la clientella.

    3. Communitgar quest engaschament a tut las collavuraturas e tut ils collavuraturs sco directiva lianta per tuts.

    Emess a: …………………………. Suttascripziun(s):

    Ils: ………………………………………

    Questa Charta vegn sustegnida da persunalitads e da gruppaziuns dal mund da lavur (patrunas e patruns – emploiadas ed emploiads) e da differentas associaziuns. La glista è publitgada sin www.charta-diversitad.ch.